分享
收藏
讚好
| 去到佢同你講見唔到你個預約，然後個張經理走出嚟同你講唔緊要，照幫你安排做個按摩，迫你兩part按摩用兩個技師，即係變相得1 part時間！之後張經理叫你買package，佢係咁sell我推胸推面咩facial又剩，但我堅決拒絕，話我只會喺你公司做普通全身按摩，結果我買左$348/50分鐘 x 20次。係因為我見個技師好好禮貌又按得唔錯，咁我賴好心，就當幫襯下佢。點知後來我朋友話冇可能咁貴，我上網一check, 原來我買夠$6000，每part只係百幾蚊。於是我打去熱線查詢，佢仲要話元朗做緊優惠唔洗咁貴添...後來我先知道足君好分按摩部同美容部，而果位張姓經理係美容部經理，所以我簽嘅單係美容部嘅單。 知道後，我落去同佢理論，當時佢預備左全公司所有價目表比我睇，包括我上網睇到百幾蚊果一張（當佢sell我果時，佢淨係比美容果啲我睇，我問佢仲有冇第二啲，佢係話冇！）佢咁唔老實，擺明當我水魚，佢自己都應該心知用左啲不當嘅手法，所以佢二話不說佢話我想轉咩都可以，轉返百幾蚊果的plan都得，就係退唔到款比我，我話佢咁唔老實，我仲點會想落去按摩？！我堅持要求退款，佢話做唔到，我叫佢搵個做得到嘅同事聯絡我，點知一路冇人回覆我，我再打去熱線，果啲同事都話商量過後係應該退錢比我，但始終要等美容director同我講返先得，事隔一個月有多，我每隔三日就打上去追，呢個所謂嘅director係從來都冇聯絡過我。我再打去，今次熱線同事冇話再幫我追，而係同我講，咪一早話左唔退比你囉！佢公司不良手法，我只要求退款，佢唔退不突止，仲要完全冇尊重過我，佢咁大間公司，咁樣嘅營商手法真係好有問題！ |
~END~
預約
2019-03-26
人均
$454.00
| 商店 | (已結業)足君好 (元朗店) |
| 服務 | 足底按摩(一節)、專業頭肩頸按摩(一節) |
檢舉