然後去到，我特登睇時間我係六點八開始， 咁９０分鐘按摩應該係去到８：１０分， 但係我換晒衫出嚟俾錢嘅時候先得８：００。當我問佢哋嘅時候，幫我按摩嗰位師傅仲要大聲話無可能。一part 得４５分鐘， 你呃１５分鐘咪已經呃咗１／３？個收銀有offer 話幫我按返１５分鐘。但係個師傅咁惡， 點敢再俾佢按阿！？

另外， 入房嘅時候幫我按摩嘅女士即刻問，要唔要按淋巴，要嘅就去攞按淋巴嘅油。我諗住唔緊要啦，是但。 佢準備出去攞，我先問使唔使加錢， 佢先同我講每part 加５０， 即係總共 １００。我就話唔洗， 佢就繼續係咁講按淋巴有咩好，又叫我先試下一part. 咁好啦我試一part啦。 但係講真， 我唔覺得有一半時間係推緊油，有一半時間按淋巴。 所以其實呢個額外收費係咩一回事？

仲有，sell 完按淋巴，又想sell會員計劃買package.嚟得按摩都係想放鬆下啫。 咁多事之後，只覺得個人更緊張。 以後都唔去喇。