其實兩三個月前已知開咗呢間按摩店, 試過响唔記得六月定七月既某一個星期三放工WALK-IN試一試, 點知一到門口, 竟然見到工作人員關門上鎖?! 唔係應該去到11點既咩? 八點未到就關門?! 我心諗生意唔係咁差啩....於是就冇再考慮呢間嘢...

上星期五, 全身酸痛到不得了, 上ZONE一ZONE再望多次...見到呢間舖仲响度..決定打電話預約2 parts, 想約七點三, 但佢話要七點八先有位, OK, 冇問題啦, 幾個字啫~

一去到, 工作人員好有禮貌, 等咗一陣就可以上房! 房間有足夠空間同埋好乾淨, 光線剛剛好, 冷氣亦好夠! 然後脫衣瞓上床 (我做推油)等師傅~

朋友都知我係骨精, 試過好多唔同既地方, 好多師傅其實好HEA, 而好既師傅好多時一係收費貴, 多人BOOK, 再唔係就地點唔就腳! 所以今次都抱住姑且一試既心情, 心諗如果手勢唔太差既已經賺咗...點知......

嘩...真係...正到冇得頂呀!!! 師傅手勢好已經唔在講, 我諗住$152/50MINS呢個價做推油其實已經幾平, 點知個師傅主動幫我做埋刮痧, 推淋巴......真係爽到呢....到最尾梗係買埋套票啦...真係抵到笑呀!!!!

============================================


感謝Z1Z提供以上評論
Z1Z的網站：www.zoneonezone.com

============================================